وہ اَبرِ نُور کا ٹکڑا جو اک انسان لگتا ہے

وہ اَبرِ نُور کا ٹکڑا جو اک انسان لگتا ہے

کتابِ خلق پر لکھا ہوا عنوان لگتا ہے

---

خدا نے اُس کے منہ میں جیسے رکھ دی ہو زباں اپنی

فرشتوں سے کہیں بڑھ کر وہ خوش الحان لگتا ہے

---

بدل جاتے ہیں پتھر بھی وہاں جا کر جواہر میں

وہ رنگ و نُور کی اُڑتی ہوئی میزان لگتا ہے

---

وہ چہرہ سورۂ یٰسین لَب ہیں سورۂ کوثر

وہ اِک قرآن میں لپٹا ہوا قرآن لگتا ہے

---

نبی سارے کتابِ حُسن کی ہیں سُرخیاں یُوں تو

مگر وہ اِس کتابِ حُسن کا عنوان لگتا ہے