زمانہ وسدا اے تیری آسے یا رسول اللہ
توں بخشیں روندیاں ہویاں نوں ہاسے یا رسول اللہ
خدا دے واسطے میرے گناہاں دا بھرم رکھناں
نہ کھلن میرے عملاں دے خلاصے یا رسول اللہ
کدی وچ خواب دے جلوے تیرے دا خیر مل جاوے
کدی بھر جان ایہہ اکھیاں دے کاسے یا رسول اللہ
سجا کے اکھیاں دی سیج تے کچھ پیار دے موتی
ترے دیدار دے بیٹھے نے پیاسے یا رسول اللہ
پتہ لگ جائے جے مینوں میری سرکار اوناں ایں
پھراں ونڈ دی میں گلیاں وچ پتاسے یا رسول اللہ
دیہاڑے حشر میرے جئے عاصی گناہیاں نوں
بناں تیرے دیوے کیہڑا دلاسے یا رسول اللہ
میں سمجھاں گا نیازی تے کرم دی انتہا ہوئی
پھراں جد روضے دے میں آسے پاسے یا رسول اللہ
شاعر کا نام :- عبدالستار نیازی
کتاب کا نام :- کلیات نیازی