اے امامِ عارفین و سالکیں

اے امامِ عارفین و سالکیں

اے امیرِ کاروانِ مرسلیں


ا ے سفیر مالکِ دنیا و دیں

اے سراپا رَحمتَہ اللعَالمین ﷺ


واقفِ اسرارِ حق دانائے کُل

تاجدار انبیا ختم رُسُل


راز دارِ خلوت عرشِ بریں

اے سراپا رَحمتَہ اللعَالمین ﷺ


ہم گناہ گارون پہ بھی چشمِ کرم

اے شناسائے رموزِ کیف و کم


شافعِ محشر ‘ پناہ مذنبیں

اے سراپا رَحمتَہ اللعَالمین ﷺ


زندگی ہے مبتلائے تیرگی

پھر عطا ہو اس کو نورِ آگہی


جو ہر آئینہ علم و یقیں

اے سراپا رَحمتَہ اللعَالمین ﷺ


زہر کی تلخی ہے اب حالات میں

دم گھٹا جاتا ہے اس ظلمات میں


المدد اے سبز گنبد کے مکیں

اے سراپا رَحمتَہ اللعَالمین ﷺ

شاعر کا نام :- پروفیسراقبال عظیم

کتاب کا نام :- زبُورِ حرم

دیگر کلام

محمد مصطفےٰ ﷺ صَلِ علیٰ تشریف لے آئے

ملے ‘ جو مجھ سے کوئی برہمی سے ملتا ہے

ہیں محمد ﷺ روحِ حیات

سرورِ دین و شہنشاہ اُمم

کرتے ہیں عرض حال زبانِ قلم سے ہم

عطا ہوئی ہے ہمیں اس لئے پناہِ رسول ﷺ

ہم خاک مجسم ہیں مگر خاکِ حرم ہیں

نہ خوابِ جنت و حُور و قصور دیکھا ہے

روز و شب ہم مدحت خیر الوراﷺ کرتے رہے

اے مہِ نورِ ازل ‘ اے شہِ لولاک قدم