آیا ہے وفا کی خوشبو سےسینوں کو بسادینے والا
آیا ہے جہانِ ویراں کو گلزار بنا دینے والا
آیا ہے نگارِ ہستی کی زلفیں سلجھا دینے والا
آیا ہے عروسِ گیتی کے چہرے کو ضیا دینے والا
آیا ہے تمدّن کی شمعیں عالم میں جلا دینے والا
آیا ہے جہالت کی ظلمت دنیا سے مٹا دینے والا
آیا ہے سسکتی قدروں کو پیغامِ بقادینے والا
آیا ہے بھٹکتی نسلوں کومنزل کا پتا دینےوالا
آیا ہے بشر کو جینے کے آداب سکھادینے والا
آیا ہے بالآخر انساں کو انسان بنا دینے والا
مہکے ہے فضا سبحان اللہ، کہتے ہیں ستارے صلّ ِ علیٰ
دل کیوں نہ کہے ماشاء اللہ جاں کیوں نہ پکارے صلِّ علیٰ
شاعر کا نام :- حفیظ تائب
کتاب کا نام :- کلیاتِ حفیظ تائب