کیسے ہوئے مدینے سے رخصت نہ پوچھیے

کیسے ہوئے مدینے سے رخصت نہ پوچھیے

دل پر گزر گئی جو قیامت نہ پوچھیے

---

مڑمڑ کے پیچھے دیکھنا ہر ہر قدم کے بعد

اس اضطراب و کرب کی حالت نہ پوچھیے

---

جو سمیٹ لایا ہوں روضے کے پاس سے

اس ایک چٹکی خاک کی قیمت نہ پوچھیے

---

شہرِ نبیؐ کی گلیوں میں دیتے ہیں جو صدا

ان سائلوں کی عزت و حرمت نہ پوچھیے

---

جس جس گلی سے گزرے ہیں ہو کر کبھی حضورؐ

اُن میں بسی ہوئی ہے جو نکہت نہ پوچھیے

---

نعت نبیؐ کی فکر میں شام و سحر دَرُود

ہم سے ہماری طرزِ عبادت نہ پوچھیے

---

ہر صنفِ شعر اپنی جگہ خوب ہے ‘ مگر

نعتِ رسول پاکﷺ کی لذّت نہ پوچھیے

---

جس کا عمل بھی ٹھیک ہو اقبؔال ساتھ ساتھ

اس نعت گو کا حسنِ عقیدت نہ پوچھیے