خاتم الانبیاء رسول اللہ ﷺ
نائب الکبریا رسول اللہ ﷺ
ربِ کونین کی صدا رسول اللہ ﷺ
حرف کن کی بنا رسول اللہ ﷺ
ماہتابِ حرا رسول اللہ ﷺ
آفتابِ صفا رسول اللہ ﷺ
بے گماں مجتبیٰ رسول اللہ ﷺ
بالیقیں مصطفیٰ رسول اللہﷺ
روحِ کہف الوریٰ رسول اللہ ﷺ
شمعِ نور الہدی ٰ رسول اللہﷺ
زندگی کی ضیا رسول اللہ ﷺ
بندگی کا صلہ رسول اللہ ﷺ
رحمتوں کی گھٹا رسول اللہ ﷺ
بخششوں کی فضا رسول اللہ ﷺ
معتبر نا خدا رسول اللہ ﷺ
محترم رہنما رسول اللہ ﷺ
ہر مرض کی دوا رسول اللہ ﷺ
ہر غرض کی دعا رسول اللہ ﷺ
کانِ جود و سخا رسول اللہ ﷺ
بحرِ لطف و عطا رسول اللہ ﷺ
درسِ صبر و رضا رسول اللہ ﷺ
جانِ مہر و وفا رسول اللہ ﷺ
بے بصر کا عصا رسول اللہ ﷺ
سونے گھر کا دیا رسول اللہ ﷺ
خلق کا آسرا رسول اللہ ﷺ
یعنی خیرالوریٰ رسول اللہ ﷺ
مہر شمس والضحیٰ رسول اللہ ﷺ
ماہِ بدرالدجیٰ رسول اللہ ﷺ
ذکر صبح و مسا رسول اللہ ﷺ
وردِ صلِ علی ٰ رسول اللہ ﷺ
مرحبا مرحبا رسول اللہ ﷺ
مرحبا مرحبا رسول اللہ ﷺ
شاعر کا نام :- پروفیسراقبال عظیم
کتاب کا نام :- زبُورِ حرم