کتاب معتبر سب سے بڑا ہے معجزہ تیرا
ہر اک آیت ہے جس کی عدل کے میزان کی مانند
زمانے کی ہر اک گردش نے اس کو اور چمکایا
کتاب معتبر کی آیتیں امواج دریا ہیں
جو ٹکراتی ہیں آکر ساحل مقصود انساں سے
اسی "نور مبیں" سے آنکھ کو ٹھنڈک ہوئی حاصل
یہ وہ پانی ہے جو دوزخ کی آتش کو بجھاتا ہے
یہ آیات کریمہ حوض کوثر ہیں
گنہگاروں کے منہ دھل کر ہوئے روشن
اسی سے کوئلہ آخر بنا ہیرا
مساوات واخوت کے سبق اس میں
نظام عدل کی بنیاد بنتے ہیں
شاعر کا نام :- ابو الخیر کشفی
کتاب کا نام :- نسبت