نہ پل صراط نہ محشر کے دن سے ڈرتا ہے

نہ پل صراط نہ محشر کے دن سے ڈرتا ہے

جو روز اپنے نبی پہ درود پڑھتا ہے

---

مہک سے جاتے ہیں اطراف مشک و عنبر سے

تمہارا نام خیالوں سے جب گزرتا ہے

---

درود پڑھنے کا رب یہ ثواب دیتا ہے

کہ سیئات کو حسنات سے بدلتا ہے

---

ہم اپنے رب کو بھی تجھ میں تلاش کرتے ہیں

ہمیں یقیں ہے خدا بھی یہیں سے ملتا ہے

---

جمالِ یار کی تابانیاں تو ایک طرف

خیالِ یار ہی مشکل کو ٹال دیتا ہے

---

خدا کرے کہ پہنچ جائے خیر سے آنسو

یہ گھر سے شہرِ نبی کیلئے نکلتا ہے

---

خیالِ گنبدِ خضرٰی کی رھنمائی سے

جہانِ حزن و الم کا مکیں سنبھلتا ہے

---

تبسمِ شہِ محشر خیال میں رکھ کر

تبسم اپنے تصور کو پاک رکھتا ہے