نورِ نبیؐ ہے نظّارہ گستر اللہ اکبر

نورِ نبیؐ ہے نظّارہ گستر اللہ اکبر

گلشن بہ گلشن ، منظر بہ منظر اللہ اکبر

---

گفتار شیریں، افکارزرّیں ، کردارنوریں

اللہ اکبر، اللہ اکبر، اللہ اکبر

---

پیشِ نبیؐ ہیں پاسِ ادب سے، اصحاب خاموش

ہے دولتِ دید ہر شے سے بڑھ کر اللہ اکبر

---

نوری وناری، آبی و خاکی زیرِ کرم ہیں

مہتاب سائل، خورشید چاکر اللہ اکبر

---

زیرِ قدومِ سرکارِؐ والا، عرشِ معلا

تا قابَ قوسین اوجِ پیمبرؐ اللہ اکبر

---

حق لامکاں ہیں اُس کی ثناکا تائبؔ طلبگار

تھا اُدنُ مِنّیِ فرمانِ داور اللہ اکبر