پھر تو لازم ہے تجھے تنگئِ داماں کا ملال

پھر تو لازم ہے تجھے تنگئِ داماں کا ملال

لکھنے بیٹھوں جو کمالاتِ پیمبر کاغذ

---

مدحتِ نورِ مجسم سے منور کاغذ

ہو گیا لفظ کے پھولوں سے معطر کاغذ

---

جس میں نعتِ شہِ ابرارلکھی ہیں میں نے

کاش وہ نذر کروں شاہ کے در پر کاغذ

---

اس میں قرآن کی آیات بھی ہیں نعتیں بھی

کیوں نہ ہو اپنے مقدر کا سکندر کاغذ

---

جس پہ لکّھا ہو حضوری کا اجازت نامہ

کاش لے آئے وہ طیبہ سے کبوتر کاغذ

---

پھر تو لازم ہے تجھے تنگئِ داماں کا ملال

لکھنے بیٹھوں جو کمالاتِ پیمبر کاغذ

---

کیا عجب ہے جو لکھوں نامِ نبی پڑھ کے درود

روشنائی مہک اُٹّھے ہو منور کاغذ

---

احترام اُس کا بھی لازم ہے شفیقِؔ عاصی

تجھ کو سادہ بھی جو مل جائے زمیں پر کاغذ