روشنیِ انسان تھی

روشنیِ انسان تھی تخلیقِ انسان سے پہلے بھی

رہتے تھے مکہء ازل میں وہ فاران سے پہلے بھی

---

ایک خدا کی باتیں کرنے کتنے ہی پیغمبر آئے

اُترے کئی صحیفے، صحیفہء قرآن سے پہلے بھی

---

نعت کے شاعر بھی ہم ٹھہرے یہ احساں سرکار کا ہے

دل سینے میں مگر یہی تھا اس پہچان سے پہلے بھی

---

بندہ اپنے رب کی کس کس نعمت کوجھٹلائے گا

مقروض رحمٰن تھا آیاتِ رحمان سے پہلے بھی

---

جان مظفر نے دے ڈالی عشق نبیؐ کے قدموں میں

کتنے ہی قصے رقم ہوئے ہیں اس عنوان سے پہلے بھی