پُرسان عمل پیشِ خدا کوئی نہ ہوگا

پُرسان عمل پیشِ خدا کوئی نہ ہوگا

اس رحمت عالم کے سوا کوئی نہ ہوگا

---

فردوس بریں تک جو مری قبر نہ کھودی

اے گورکنو مجھ سے برا کوئی نہ ہوگا

---

اللہ کو بھی اُن کے توسّل سے پکاروں

اُن جیسا مددگار دعا کوئی نہ ہوگا

---

جاؤں گا سرحشر درودوں میں لپٹ کر

اُس دھوپ میں ہمدرد مرا کوئی نہ ہوگا

---

دل پیش کروں گا میں شہ ِ کون و مکاں کو

جنت میں اگر غارِ حرا کوئی نہ ہوگا

---

یہ رہگزرِ عشقِ محمدؐ ہے مظفر

اس راہ پہ چلنے سے تھکا کوئی نہ ہوگا