وہ ذات بیکس و مجبُور کا سہارا نہ ہو

وہ ذات بیکس و مجبُور کا سہارا نہ ہو

یہ اور بات ہمی نے انہیں ؐ پکارا نہ ہو

---

خدا نے آپؐ کو دُنیا میں اس لئے بھیجا

مصافِ زیست میں انسان بے سہارا نہ ہو

---

وہ دُشمنوں سے بھلا انتقام کیا لیتے

ستمگروں پہ بھی جِن کو ستم گوارا نہ ہو

---

وہ آج شہرِ سکوں ہے‘ جہاں پہ آقاؐ نے

کبھی سکُون کا اک لمحہ بھی گزارا نہ ہو

---

تمام عُمر خدائی سے پیار میں گزری

خدا کے بندوں کا پیارا خدا کو پیارا نہ ہو

---

حضُورؐ ایسے بھی مہجور پر کرم کہ جسے

سفر کا شوق ہو لیکن سفر کا یارا نہ ہو

---

حنیفؔ میں بھی کروں اب کے اہتمامِ سفر

کہیں اُدھر سے مری سمت بھی اشارا نہ ہو