یہیں آنکھ انسانیت کی کھلی ہے

یہیں آنکھ انسانیت کی کھلی ہے

شرافت اسی گھر میں پھولی پھلی ہے

---

یہیں سے ہوئی ابتدائے رسالت

اسی گھر میں شمع رسالت جلی ہے

---

جھُکی ہے نگاہِ دوعالم اسی پر

بشر کو یہ حُرمت یہیں سے مِلی ہے

---

یہی گھر ہے سارے جہانوں سے افضل

اسی گھر کے ٹکڑوں پہ دنیا پلی ہے

---

یہاں ثانئ اثنین کا ہے ٹھکانہ

یہاں ثور کی ایک کھڑکی کھلی ہے

---

یہیں سے ہوا بند بابِ نبوت

اسی گھر سے رسم شہادت چلی ہے

---

عمر ہی عمر ہے جدھر دیکھتا ہوں

اُفق سے اُفق تک علی ہی علی ہے

---

پہنچتی ہے جو سیدھی جنت میں انجؔم

یہی وہ گلی ہے ، یہی وہ گلی ہے