یوں تو ہر دَور مہکتی ہوئی نیند یں لایا

یوں تو ہر دَور مہکتی ہوئی نیند یں لایا

تیرا پیغام مگر خواب نہ بننے پایا

---

تو جب آیا تو مٹی روح و بدن کی تفریق

تو نے انساں کے خیالوں میں لہو دوڑایا

---

جن کو دھندلا گئے صدیوں کی غریبی کے غبار

اُن خد و خا ل کو سونے کی طرح چمکایا

---

سمٹ آیا ترے اک حرفِ صداقت میں وہ را ز

فلسفوں نے جسے تا حدِّ گماں اُلجھایا

---

راحتِ جاں ! ترے خورشیدِ محبت کا طلوع

دھوپ کے روپ میں ہے ابرِ کرم کا سایا

---

قصرِ مرمر سے ‘ شہنشاہ نے ‘ از راہِ غرور

تیری کُٹیا کو جو دیکھا تو بہت شرمایا

---

کتنا احسان ہے انسان پہ تیر ا ‘ کہ اُسے

اپنی گُفتار کو ‘ کِردار بنانا آیا