میرے کملی والے آقا جئی کسے ہور دی امت نہیں ہونی
اس اُمت ورگی دنیا وچ کسے ہور دی قسمت نہیں ہونی
قرآن دی آن بچاون لئی گھر بار حسین لٹا چھڈیا
جیویں کیتی چڑھ کے نیزے تے ایہو جئی تلاوت نہیں ہونی
خود فاقے کر دے دن راتیں پر خلقت کل رجاندے نے
پنجتن دے سخی گھرانے جئی کِتے ہور سخاوت نہیں ہونی
دنیا دا مجرم چھپدا اے دنیاں دیاں نظراں توں ہر دم
دیوے جو پناہواں مجرماں نوں ایہو جئی عدالت نہیں ہوئی
اوہ اپنی جان دے دشمن نوں بھی چادر تے بٹھلاندا اے
ایسا خلق کسے دا نئیں ہونا ایسی کسے دی عادت نئیں ہونی
میرا آقا کملی والے دے جہیڑا قدماں توں ہو دور گیا
اس کرماں مارے دی نیازی کدھرے وی شفاعت میں ہونی
شاعر کا نام :- عبدالستار نیازی
کتاب کا نام :- کلیات نیازی