مانا کہ بے عمل ہُوں نہایت بُرا ہُوں مَیں

مانا کہ بے عمل ہُوں نہایت بُرا ہُوں مَیں

لیکن رسُولِ پاک کے دَر کا گدا ہُوں مَیں

---

میں تو تمھارے غم کا سزاوار ہی نہ تھا

یہ اُس کی دین ہے کہ اُسے بھا گیا ہُوں مَیں

---

جِس نے تری تلاش میں صَدیاں گذاردیں

وہ چشمِ آرزُو ہوں وہ حرفِ دعا ہُوں مَیں

---

تڑپا رہا ہے جَذبۂ بے اختیارِ دید

محسوس ہو رہا ہَے کہ یاد آرہا ہُوں مَیں

---

دامن بھی تار تار گریباں بھی تار تار

شاید حدِ جُنوں کے قریب آگیا ہُوں مَیں

---

انسانیت کو بخشی وہ توقیر آپ نے

ہر آدمی سمجھنے لگا ہَے خدا ہُوں مَیں

---

اعظؔم مری زبان کہاں اور کہاں وہ ذات

نام اپنا اُن کے ذکر سے چمکا رہا ہُوں مَیں