Who wrote the lyrics "ملتا نہیں کسی کو بھی اس کی عطا بغیر"?

طاہر سلطانی is the poet who wrote the lyrics of "ملتا نہیں کسی کو بھی اس کی عطا بغیر."

In which book are the lyrics "ملتا نہیں کسی کو بھی اس کی عطا بغیر" written?

These lyrics are included in the book "پیشِ خدا ہوں حمد کا دیواں لیے ہوئے."

The lyrics are written in urdu.

"ملتا نہیں کسی کو بھی اس کی عطا بغیر" is categorized as a Hamad.

ملتا نہیں کسی کو بھی اس کی عطا بغیر

بنتی نہیں ہے بات خدا سے دُعا بغیر

ہلتا نہیں ہے پتّا بھی رب کی رضا بغیر

وہ چاہے تو مریض ہو اچھّا دَوا بغیر

ربِّ جہاں کی نعمتیں سب لاجواب ہیں

بنتا ہمارا کیا ذرا سوچو ہَوا بغیر

ہے کامیابی صرف رضائے الٰہ میں

منزل نہ پاسکے گا تو رب کی رضا بغیر

بے شک ہیں آسمان و زمیں اس سے مستنیر

ہے تیرگی ہی تیرگی اُس کی ضیا بغیر

حمد و ثنا سے قلب کو ملتی ہیں دھڑکنیں

آسودگیِ دل نہیں حمد و ثنا بغیر

گستاخِ مصطفیﷺ پہ خدا کا عذاب ہو

گستاخ کوئی بچ نہ سکے گا سزا بغیر

روشن رہے چراغِ محبت رسولﷺ کا

کامل نہ ہوگا ایماں بھی شمس الضحیٰ بغیر

ساری عبادتوں کا فقط مغز ہے دُعا

بے کیف ہیں عبادتیں طاہرؔ دُعا بغیر