آپؐ کے سر سجا ہے تاجِ کرم
سب کو رہتی ہے احتیاجِ کرم
معدنِ جود ہیں تریؐ گلیاں
تیرےؐ کوچے میں ہے رواجِ کرم
خاکدانوں سے آسمانوں تک
میرے محبوبؐ کا ہے راجِ کرم
آپؐ کے در سے یارسول اللہؐ
مل رہا ہے مجھے اناجِ کرم
بھائی بھائی بنے بڑے چھوٹے
یوں مرتب ہوا سماجِ کرم
بے کسوں بے نواؤں کے گھر میں
ضوفشاں ہے تراؐ سراجِ کرم
تیریؐ شفقت عدوئے جاں پر بھی
نرم و شیریں تراؐ مزاجِ کرم
شاعر کا نام :- اشفاق احمد غوری
کتاب کا نام :- صراط ِ نُور