آکھیاں وچ سوہنے ماہی دی تصویر وسائی پھرنا واں
کی جانن لوکی دل وچ میں کی درد لکائی پھرناواں
تیرے ناں دی مالا گل پا کے سارے جگ دیاں خوشیاں ٹھکرا کے
جہڑا درد دتا تیری فُرقت نے سینے نال لائی پھرناواں
تیرا ذکر کریندیاں تھک دا نئی کسے غیر ولے میں تک دا نئی
جس دن دی خاک مدینے دی اکھیاں وچ پائی پھرنا واں
کوئی اوگن ہار نئی میرے جیا کوئی پردہ پوش نہ تیرے جیا
ایس لئی تیری رحمت تے اُمید میں لائی پھرنا واں
اودے کرم بنا گل مُکدی نئی اودے باجھ لُکایاں لک دی نئی
جیہڑی گھٹڑی جُرماں دی طاہرؔمیں سر تے چائی پھرنا واں
شاعر کا نام :- نامعلوم