ہے طاہرؔ آتی جاتی سانس میں صلِّ علیٰ کی لے

ہے طاہرؔ آتی جاتی سانس میں صلِّ علیٰ کی لے

زباں مدحت سرا گر ہے تو نعت آہنگ دل کی نے

---

اسے دنیا کے مے خانوں سے کوئی واسطہ کیوں ہو

شہِؐ کوثر کے ہاتھوں سے عطا ہو جس کو جامِ مے

---

وہ چاہیں تو حضوری کی مجھے دولت عطا کر دیں

انھی کی یاد میں ہر دم مرا یہ دل دھڑکتا ہے

---

کشائش کی طلب ان کے کرم سے یوں ہوئی پوری

نگاہوں میں ہوئے اسبابِ دنیا صورتِ لا شے

---

معطر روح و قلب و جاں ہیں اس کے فیض سے ہر دم

’’عجب خوشبو درودوں کی بدولت ساتھ رہتی ہے‘‘

---

نبی کی یاد میں اشکوں نے یوں ہے آبیاری کی

زمینِ دل پہ نقشِ نعت ابھر آئے ہیں پے در پے