شہرِ طیبہ تیرے بازار مہکتے ہوں گے

شہرِ طیبہ تیرے بازار مہکتے ہوں گے

تیری گلیوں سے جو سرکارﷺ گزرتے ہوں گے

---

حسنِ کامل سے کوئی نظر ہٹائے کیسے

دیکھنے والے اُنہیں دیکھتے رہتے ہوں گے

---

مست گنگھور گھٹائیں اُمڈ آتی ہوں گی

اُن کے چہرے پہ اگر گیسو بکھرتے ہوں گے

---

مسکرا کر وہ کبھی بات جو کرتے ہوں گے

خوشبوئیں پھیلتی اور رنگ بکھرتے ہوں گے

---

جا کر جبرئیل ؑ نے پھر نظر اُتاری ہوگی

اُن کے کاندھوں پہ جو حسنین ؑ چہکتے ہوں گے

---

اُ ن کے آنے میں کبھی دیر جو ہوتی ہوگی

اُن کے معمول کے رستے تو تڑپتے ہوں گے