ہتھ گورے گورے نے
اُسدے اشارے نے رُکھ پُٹ پُٹ تورے نے
اکھاں نوری کٹورے نے
سُرمہ طغی دا اے مازاغ دے ڈورے نے .
الم نشرح سینہ ایں
زُلف واليل اوہدی ودھ عنبروں پسینہ ایں
اوہدی شکل نورانی ایں
مُکھ والشمس اوہدا والفجر پیشانی ایں
راہی افلاک دا اے
طہ تے قدم نُوری سرتاج لولاک دا اے
ابرو نے قُوسَين
یُوحی لب دونویں دو صاد نے دو نیناں
دل عاشقاں ویچے نے
زُلف واليل اندر حامیم دے پیچے نے
او ادنی دنی تیکر
بلکہ اوہ چن عربی گیا توڑ خُدا تیکر
اسمان دے سب تارے
رات معراج دی نوں اوہدے قدماں توں رب وارے
رہی گل نہیں ضرورت تے
قرآن دی ہر سُورۃ بنی سوہنے دی صورت تے
چھب پھدی اے جانی نوں
کہیا رب نے مدثر ہے اوہدی بُرد یمانی نوں
لولاک دا تاج کہیا
صائم اوہدے سینے نوں کدی رب نے زُجاج کہیا
شاعر کا نام :- علامہ صائم چشتی
کتاب کا نام :- کلیات صائم چشتی