کر ذکر مدینے والے دا
تیرا اجڑیا دل آباد ہووے
اوه دل وی عرش توں گھٹ نا ہیں
جس دل وچ اوہدی یاد ہووے
کوئی بول اولڑا بولدا نہیں
غیراں دے سہارے ٹولدا نہیں
کسے اوکھی ویلے ڈولدا نئیں
جہنوں سوہنے دی امداد ہووے
جدوں ٹریئے یار مدینے نوں
سوہنے دے شہر نگینے نوں
لب سیتے اتھرو وگدے ہوون
اکھیاں دے وچ فریاد ہووے
دن لنگھ جائے اوہدیاں یاداں وچ
کی رات لنگھے فریاداں وچ
کدی اپنے غم دی بات ہووے
کدی سوہنے دا میلاد ہووے
لگیاں نوں توڑ نبھاؤندا رو
جیویں من دا یار مناؤندا رو
توں سوہنے دے گن گاؤندا رو
بھاویں سرتے کھڑا جلاد ہووے
وچ فرقت نہ تڑپا سانوں
کدی اپنے کول بلا سانوں
یا آپ ہی آ جا محبوبا
دکھیاں دا دل وی شاد ہو وے
اوہ سدا نیازی عید کرے
سوہنے دی جیہڑا دید کرے
جیہڑا سوہنے تے تنقید کرے
اوہ دو جگ وچ برباد ہووے
شاعر کا نام :- عبدالستار نیازی
کتاب کا نام :- کلیات نیازی