خدائی تے چھایا ہدایت دا چانن
جدوں عام ہویا نبوت دا چانن
ہے ہر ہر سمے تے لو کائی لئی کافی
اخیری تے کامل رسالت دا چانن
کتاب اللہ دی عملی تفسیر بن کے
سدا نور دیوے گا سیرت دا چانن
اوس امّی لقب دا جمایا ہو یا اے
نظر اوندا اے جیہڑا وحدت دا چانن
او سے ساری خلقت دے دردی دی دین اے
حیاتی دے رہ تے محبت دا چانن
مساوات نوں زندگی اُس بنایا
رچا کے صداقت امانت دا چانن
قبر نوں وی رشنائی بخشے گا تائبؔ
محمدؐ دی عدنانی صورت دا چانن
شاعر کا نام :- حفیظ تائب
کتاب کا نام :- کلیاتِ حفیظ تائب