کوئی اج ٹریا کوئی کل ٹریا اس جگ دی ریت پرانی ایں
بھر دامن نیک اعمالاں تھیں تیری دو دن دی زندگانی ایں
کوئی دم دا دم پروہناں ایں ایتھے مڑ کے کسے نئیں اوناں ایں
ساہنواں نے سلامت نہیں رہنا ساہنواں دی کوڑ کہانی ایں
ویلا بیت گیا تے روویں گا ہنجواں دے ڈھونے ڈھویں گا
پچھاں مڑ کے اوہنے نئیں اوناں پلوں لنگھیا جیہڑا پانی ایں
نت اللہ اللہ کردا رؤ دم سوہنے نبی دا بھر دا رو
ایتھے بیٹھ کسے نے نئیں رہنا ایتھے اللہ دی سلطانی ایں
ایہہ کہندا مڑ مڑ ویلا اے کوئی دم دا سجناں میلہ اے
کوئی رانجھا اے نہ بیلا اے ایتھے ہرشے آنی جانی ایں
عملاں دی سیج سجاوندا رؤ نت مالک دے گن گاؤندا رو
اوہدی یاد چہ جیہڑی لنگھ جاوے دراصل او ہو زندگانی ایں
پھڑ دامن نیکو کاراں دا چھڈ کھڑا دنیا داراں دا
نہیں رہنا حسن بہاراں دا ہر چیز نیازی فانی ایں
شاعر کا نام :- عبدالستار نیازی
کتاب کا نام :- کلیات نیازی