ماہ ربیع الاوّل آیا
ٹھنڈ دلاں وچ پاندا ہویا
تھاں تھاں چانن لاندا ہویا
بُت سبھ کُوڑیاں شاناں والے
مُنہ بھرنے دھرتی تے ڈِگے
آیا جگ دا سوہنا ہادی
جِنّاں انساناں دا ہادی
سِینیاں دے وچ وسّن والا
سدّھا رستہ دَسّن والا
لوکاں وچ سُکھّ ونڈن والا
ماڑیاں دے دُکھ ونڈن والا
جھوٹ تے کھوٹ مٹاون والا
حق دا حُکم چلاون والا
لکھ سلام نبی سرورؐ تے
شاعر کا نام :- حفیظ تائب
کتاب کا نام :- کلیاتِ حفیظ تائب