مُکھڑا نورانی طٰہ پیشانی
سوہنا ، میرا ، رب دا اے جانی ، مُکھڑا نورانی
میرا دلدار جد آیا
خدا دا یار جد آیا
جگ چوں، غماں دی ، مُک گئی ویرانی
مُکھڑا نورانی طٰہ پیشانی مُکھڑا نورانی
اوہ دردی کُل یتیماں دا
قرار دل حلیماں دا
والی اے ، جگ دا ، آمنہ دا جانی
مُکھڑا نورانی طٰہ پیشانی مُکھڑا نورانی
جدوں ہس پَین سرکاراں
تے سب کِھٹر جان گلزاراں
دنیا ، ساری اے، اوس دی دیوانی
مُکھڑا نورانی طٰہ پیشانی مُکھڑا نورانی
اوہدے دربار دا صدقہ
اوہدے انوار دا صدقہ
پائی اے چن تے تاریاں تابانی
مُکھڑا نورانی طٰہ پیشانی مُکھڑا نورانی
اوہ ہے مطلوب خالق دا
اوہ ہے محبوب خالق دا
ہر تھاں ، اوسے دی، چھڑی اے کہانی
مُکھڑا نورانی طٰہ پیشانی مُکھڑا نورانی
میں اُس دے پاک گھر جاواں
جھکاواں سر تے مر جاواں
ایہو اے ، میری تے، آخری کہانی
مُکھڑا نورانی طٰہ پیشانی مُکھڑا نورانی
میں صائم ہور کی کہناں
خُدا توں ہور کی لیناں
دیواں جے، آقا توں ، وار زندگانی
مُکھڑا نورانی طٰہ پیشانی مُکھڑا نورانی
شاعر کا نام :- علامہ صائم چشتی
کتاب کا نام :- کلیات صائم چشتی