پھوٹی حرا سے نورِ نبوت کی روشنی
پھیلی جہاں میں مہرِ رسالت کی روشنی
صد شکر ہم کو نعمتِ قرآن مل گئی
پائی ہے حرف حرف میں وحدت کی روشنی
میرے مشامِ جاں میں ہوئیں جگمگاہٹیں
جب سے عطا ہوئی ہے یہ مدحت کی روشنی
کرتی ہوں پیش آ پ کو پیہم درودِ پاک
مہکا رہی ہے روح کو چاہت کی روشنی
آنکھوں میں بس گئی ہے جو صورت حضور کی
سینے میں بھرگئی ہے محبت کی روشنی
سوچا جو ان کی ذات کو سب دوریاں مٹیں
پُر نور کر گئی مجھے قربت کی روشنی
جاگے نصیب نازکے اک رات خواب میں
اس کو عطا ہوئی تھی زیارت کی روشنی