سن عرضاں میریاں غماں نے گھیریاں
میں درتوں دور ہاں ، بڑی مجبور ہاں
تیرے در اون دی چروکی آس اے
نہ گن پلے کوئی نہ دولت پاس اے
نہ ہنجو سکدے نے میرے نہ ہوکے مکدے نے میرے
شوق دیدار دا تیرے دربار دا
میں در توں دور ہاں ، بڑی مجبور ہاں
بلا لے سوہنیا اس اوگنہار نوں
میں آ کے دیکھ لاں تیرے دربار نوں
بس ہن تے کرم فرماؤ شہر مدینے بلواؤ
میں در توں دور ہاں بڑی مجبور ہاں
تیرے منگتے وی کرن سرداریاں
دو جگ دیاں ہتھ ہیں مختاریاں
ایہ کہندے تیرے دیوانے
تے کہندے تیرے مستانے
شاناں نے اچیریاں ، حبیبا تیریاں
میں درتوں دور ہاں ، بڑی مجبور ہاں
میں رو رو کیتیاں نیازی زاریاں
بلا لے سوہنیا میں صدقے واریاں
صدقہ پیراں دے پیراں دا
تیرے سبھناں فقیراں دا میں
درتوں دور ہاں ، بڑی مجبور ہاں
شاعر کا نام :- عبدالستار نیازی
کتاب کا نام :- کلیات نیازی