یہ دوری و مہجوری تا چند مدینے سے

یہ دوری و مہجوری تا چند مدینے سے

اے جلوہء رعنائی لگ جا مرے سینے سے

---

یہ لذت پیہم بھی بخشش ہے مدینے کی

انوار مدینے کے لایا ہوں مدینے سے

---

امید کرم لے کر اترا ہوں سفینے سے

اک بر چلا ہوں پھر کعبے کو مدینے سے

---

ہر گام پہ دو سجدے شائستہ قرینے سے

آواز اذاں آئی کانوں میں مدینے سے

---

آ مانگ محبت کا اک داغ مدینے سے

ملتا نہیں یہ موتی شاہوں کے خزینے سے

---

جبریلؑ نے پایا تھا وہ سینہ حضرتؐ سے

جو نور کہ ملتا ہے جبریلؑ کے سینے سے

---

اب میری لحد میں بھی خوشبوئے مدینہ ہے

میں خاک شفا اک دن لایا تھا مدینے سے

---

اے مطرب خوش لہجہ اب بول قرینے سے

نسبت مری قائم ہے ‘ مکے سے مدینے سے

---

حسان العصر حضرت حافظ مظہر الدین رحمتہ اللہ علیہ کی آخری نعت جو مرض الموت کے دوران 5 مئی 1971 کے لگ بھگ لکھی گئی