سوہنے رب دا سوہنا تے سردار کلام اے
عزّتاں تے تعظیماں دا حقدار کلام اے
غلطی ، عیب، خطا توں اُچّے ایہدے اکھّر
کوئی بنا نہ سکیا ایہدے ورگے اکھّر
سورۃ کو ثر لکھّی ویکھ کے کعبے اندر
مَنیا کافراں ایہہ نہیں کسے بشر دے اکھّر
ذمّہ ایہدی راکھی دا رب آپ لیا اے
ایہدیاں معنیاں وِچ کوئی کیویں فرق لیا وے
انساناں دے واہتے چھیکڑ لا دستُور اے
جس دی ہر ہر آیت سورت نور و نور اے
ایہدے بعد کسے قانون دی حاجت نا ہیں
ربّ تے پاک نبیؐ دیاں منّن والیاں تائیں
شاعر کا نام :- حفیظ تائب
کتاب کا نام :- کلیاتِ حفیظ تائب