کیسے بیاں ہو شان کما حقہ تِری
قاصر مِری زباں ہے مدینہ منورہ
سب کے لئے اماں ہے مدینہ منورہ
بے شک سکونِ جاں ہے مدینہ منورہ
مکہ کی عظمتوں کابھی دل سے ہے اعتراف
لیکن ہماری جاں ہے مدینہ منورہ
تو کیوں اسے زمین سمجھنے پہ ہے مصر
نادان ! آسماں ہے مدینہ منورہ
کیسے بیاں ہو شان کما حقہ تِری
قاصر مری زباں ہے مدینہ منورہ
شمس وقمربھی فیض اٹھاتے ہیں روز و شب
دن رات ضوفشاں ہے مدینہ منورہ
آرام گاہِ احمدِ مختار کے طفیل
وجہِ قرارِ جاں ہے مدینہ منورہ
کہدے شفیقؔ سارے جہاں سےبھی خوب تر
لا ریب و بے گماں ہے مدینہ منورہ
شاعر کا نام :- شفیق ؔ رائے پوری
کتاب کا نام :- قصیدہ نور کا