Who wrote the lyrics "تو جو میرا نہ رہنما ہوتا"?

محمد ظفراقبال نوری is the poet who wrote the lyrics of "تو جو میرا نہ رہنما ہوتا."

In which book are the lyrics "تو جو میرا نہ رہنما ہوتا" written?

These lyrics are included in the book "مصحفِ ثنا."

The lyrics are written in urdu.

"تو جو میرا نہ رہنما ہوتا" is categorized as a naat.

تو جو میرا نہ رہنما ہوتا

کوئی منزل نہ راستہ ہوتا

ہم کو صحرا نگل گئے ہوتے

گر نہ رہبر وہ نقشِ پا ہوتا

غم زمانے کے مار ہی دیتے

گر تمہارا نہ آسرا ہوتا

اذن پاتے ہی جسم سے پہلے

دل مدینے کو جا چکا ہوتا

شوق میرا اڑان یوں بھرتا

تیرے قدموں میں جا گرا ہوتا

رات کتنی حسین ہو جاتی

خواب ہی میں تو آگیا ہوتا

دن بھی میرا نکھر نکھر جاتا

رات یادوں میں جاگتا ہوتا

میرا مرنا بھی سہل ہو جاتا

تو دمِ نزع آ گیا ہوتا

عمر یوں ہی تمام ہو جاتی

نوری وقفِ ثنا رہا ہوتا