کاگا سب تن کھائیو
مورا چُن چُن کھائیو ماس
دو نیناں مت کھائیو
اِی ماں پیا ملن کی آس
آ کاگا تینوں چوریاں پاواں
کدی ساڈے وی بیٹھ بنیرے
لے پیغام وصل دا آویں
کتے آجان ساجن میرے
متاں والے متاں دیندے
میری متاں نے مت ماری
ہجر ستائی دیواں دُہائی
نی میں کر کر گِریہ زاری
سو سو وار چڑھی میں کوٹھے تے
تے میں اُتری کئی کئی واری
آ جا اڑیا نہ جا اڑیا
توں جتیو میں ہاری
کہہ دیوں ہار طبیباں تائیں
کوئی ظاہر فن نہ کریو
کسے دوا نے کم نئی آونا
کوئی چارہ جتن نہ کریو
جے نہ آوے مہک سجن دی
میرا غسل کفن نہ کریو
جے نہ آوے ماہی میرا
میری لاش دفن نہ کریو
آج اوس سجن دیاں راہواں وچ
مینوں اپنی خاک اُڑا لین دے
دو گھڑیاں رُک جا تقدیرے
اومینوں لگیاں توڑ نبھا لین دے
خود جان حوالے کر دیساں
اِس جان دا مالک آ لین دے
فیر رات وی ڈھل گئی
میری عمر وی ڈھل گئی
اتے ڈھل گئے اتھرو سارے
ڈُب نہ جاون تاریاں وانگوں
کتے آس میری دے تارے
فیر دو نیناں مت کھائیو
اِی میں پیا ملن کی آس
کاگا سب تن کھائیو
شاعر کا نام :- نامعلوم