اوہو نیڑے اوہو دور دسے
سانوں ہر تھاں یار دا نور دسے
اساں عابد وچہ معبود ڈٹھا
اساں ساجد وچ مسجود ڈٹھا
سانوں شاکر وچہ مشکور دسے
سانوں ہر تھاں یار دا نور دسے
جدوں رمز حقیقی کھل جاوے
سب مسجد مندر بھل جاوے
ہر پاسے نور و نور دسے
سانوں ہر تھاں یار دا نور دسے
سانوں اک دسدا تینوں لکھ دسدا
سانوں کول تے تینوں وکھ دسدا
تیری اکھیاں وچہ فتور دسے
سانوں ہر تھاں یار دا نور دسے
تاہیں اعظم روشن سینہ اے
ساڈے دل وچہ شہر مدینہ اے
سانوں گھر دے وچہ کوہِ طور دسے
سانوں ہر تھاں یار دا نور دسے
شاعر کا نام :- محمد اعظم چشتی
کتاب کا نام :- کلیاتِ اعظم چشتی