دل ڈوبتا ہے ہجر کے نا دیدہ آب سے

دل ڈوبتا ہے ہجر کے نا دیدہ آب سے

کب سرفراز ہو گا محمد کے خواب سے

---

اُن کو دہن دیا ہے خدا نے وہ بے مثال

کڑوے کو میٹھا کر دے جو اپنے لعاب سے

---

درماں ہر ایک درد کا میرے حضور ہیں

ہم کو پتہ چلا ہے خدا کی کتاب سے

---

جب حشر میں کریں گے شفاعت وہ شان سے

ہم کو اماں ملے گی خدا کے عذاب سے

---

ذکرِ خدا کا لطف جسے ہو گیا عطا

اس کو غرض نہیں ہے صدائے رباب سے

---

خضرٰی کے ہیں نصیب خدا کے ہی فضل سے

جو جگمگا رہا ہے بڑی آب و تاب سے

---

معراج پر گئے ہیں محمد جو عرش پر

جلوہ دکھا دیا ہے خدا نے حجاب سے

---

محبوب سر اٹھاؤ تو سجدے سے اب ذرا

ہم نے دعا سنی ہے تمھارے حساب سے

---

امت کو بخش دینا کہا تھا حضور نے

قائم کبھی نہ ڈرنا تو روزِ حساب سے