ذرّے ذرّے کی زباں پر لا الٰہ الا للہ
ہر جگہ ہر آسماں پر لا الٰہ الا اللہ
گونجتے ہیں ہر طرف نغمے تری توحید کے
ہر چمکتی کہکشاں پر لا الٰہ الا اللہ
ہر طرف پھیلا ہوا ہے تیری ہیبت کا حصار
ہر لبِ موج ِ رواں پر لا الٰہ الا اللہ
پستیاں ڈوبی ہوئی ہیں تیری تسبیحات میں
ہر بلندی کی زبا ں پر لا الٰہ الا اللہ
لا الہ کی گونج ہے موجود ہر کہسار میں
ثبت ہے لوحِ جہاں پر لا الٰہ الا اللہ
نورِ حق پھیلا ہوا ہے ہر طرف افلاک میں
ہے فصیلِ کن فکاں پر لا الٰہ الا اللہ
انجمؔ اس کے زیر سایہ ہے جہانوں کا وجود
ہر مکاں اور لامکاں پر لا الٰہ الا اللہ
شاعر کا نام :- انجم نیازی
کتاب کا نام :- حرا کی خوشبُو