سرور و کیف میں ڈوبا ہو دیدہ دیدۂ دل

سرور و کیف میں ڈوبا ہو دیدہ دیدۂ دل

ثنا و نعت میں رہتا ہو ریشہ ریشۂ دل

---

انہی کی بات کی خوشبو ہی لفظ لفظ میں ہو

انہی کی یاد سے مہکا ہو گوشہ گوشۂ دل

---

خیالِ طیبہ میں رہتے ہوں ہم نفس سارے

بسائے رکھتے ہوں ایسے وہ خیمہ خیمۂ دل

---

ثنا کی لہر زمانے میں اس طرح چھائے

صدا ہو نعت کی ہر سو بہ قریہ قریۂ دل

---

انہی کے حسن کا چرچہ ہو جابجا پیہم

انہی کے شوق میں چلتا ہو رحلہ رحلۂ دل

---

صبا مدینے سے کوئی خبر تو لائی ہے

کھلا کھِلا سا جو لگتا ہے غنچہ غنچۂ دل

---

تمام ہونے کو نوری ہے دھڑکنوں کا سفر

انہی کی یاد میں زندہ ہے لحظہ لحظۂ دل