اشرف الانبیاء ہے ہمارا نبیﷺ
وہ نبیﷺ کون؟ امت کا پیارا نبیﷺ
بلبلوں نے جو دیکھی ملاحت تری
گل کو صدقے میں تجھ پر اتارا نبی
تم ہو وہ حسن والے کہ اللہ نے
اپنا محبوب کہہ کر پکارا نبیﷺ
اور نبیوں کو مخصوص تھیں امتیں
ہر اک عالم کا بادی ہمارا نبیﷺ
آج یوسف بھی ان کی غلامی میں ہے
تم نے دیکھا زلیخا ہمارا نبیﷺ
ہے شفاعت کے سہرے کی سر پہ پھبن
آج دولہا بنا ہے ہمارا نبیﷺ
بحر عصیاں کے گرداب میں ناو ہے
ڈوبا ڈوبا مجھے دو سہارا نبیﷺ
کوچ اکبر کا جس وقت دنیا سے ہو
لب پہ جاری ہو کلمہ تمہارا نبیﷺ
شاعر کا نام :- اکبر شاہ وارثی