چھوڑ دے اب تو اے دُنیا میرا پیچھا چھوڑ دے

چھوڑ دے اب تو اے دُنیا میرا پیچھا چھوڑ دے

میری منزل ہے مدینہ میرا رستہ چھوڑ دے

---

بھیک بن مانگے ملے جاتی ہے اُن کے نام کی

کس طرح منگتا نبی کا نام لینا چھوڑ دے

---

ہو وہ محبوب خدا مالک نہ ہو مجبور ہو

چھوڑ دے کم ظرف یہ اپنا عقیدہ چھوڑ دے

---

آئیں تو اُن کا کرم نہ آئیں تو شکوہ نہ کر

ان کی تو بن جا رضا اپنا تقاضہ چھوڑ دے

---

چھوڑ دے دنیا اگر مجھ کو تو کوئی غم نہیں

اے خیال یار تو مجھے کو نہ تنہا چھوڑ دے

---

ساقی کوثر کے مے خانے سے بھر بھر جام پی

میں نہیں کہتا مدینے والی پینا چھوڑ دے

---

پھول کھلتے ہیں مرادوں کے سخی دربار میں

کیوں کوئی داتا کے در پر آنا جانا چھوڑ دے

---

ایسے مورکھ کا کوئی پھر اپنا بنتا ہی نہیں

جو بھی دانستہ نیازی اپنا آقا چھوڑ دے