حبیبؐ تیرےؐ لیے حسنِ لامکانی ہے

حبیبؐ تیرےؐ لیے حسنِ لامکانی ہے

کلیم کے لیے پیغامِ لن ترانی ہے

---

ہے کیسی شان تریؐ بوریا نشیں شاہاؐ

جدا سبھی سے تریؐ طرزِ حکمرانی ہے

---

کبھی تو پیش نظر ہو گا چہرئہ انورؐ

مجھے یقیں ہے وہ ساعت ضرور آنی ہے

---

حبیبؐ ایک ہی خالق نے ہے کیا تخلیق

حضورؐ آپ کا سایہ نہ کوئی ثانی ہے

---

ہیں آپؐ قاسم و مختار، کر عطا دیجے

مرے سوال میں طیبہ کا دانہ پانی ہے

---

تمام عمر کروں گا میں مدحتِ سرکارؐ

بس ایک بات یہ اشفاقؔ دل میں ٹھانی ہے