کسے ہور نوں کیوں آکھاں مینوں مان ہے تیرے تے
رحمت دی نظر کر دے میرے آقا مرے تے
جا پہنچیا روضے تے پنڈ لے کے خطاواں دی
بخشش دی سند مل گئی پہلے ہی پھیرے تے
کوشش تے بڑی کیتی لوکاں نے مٹاون دی
پر نور رہیا غالب دنیا دے ہنیرے تے
اوہ شہر نی وی اے نالے نور دا مرکز وی
ہر دور فدا ہووے طیبہ دے سویرے تے
محبوب دے اون دیاں کدی اون گیاں خبراں
کدی آن کے بولے گا کوئی کاگ بنیرے تے
منزل نہ کدی لبدی راہاں وچہ رل مردا
میرے مولا نے لے آندا لج پال دے ڈیرے تے
کر سکدا نیازی نئیں کوئی وال ونگا میرا
ہر ویلے نظر رہندی سرکار دی میرے تے
شاعر کا نام :- عبدالستار نیازی
کتاب کا نام :- کلیات نیازی