میری پلکوں کا گہر آپ سے وابستہ ہے

میری پلکوں کا گہر آپ سے وابستہ ہے

مرا ہر تار نظر آپ سے وابستہ ہے

---

وقت کے جبر سے بالا ہوں' رسولِ اکرم

میری ہر شام و سحر آپ وابستہ ہے

---

تاچ کسری کو سرراہ کچل ڈالا ہے

فقر مومن کا شرر آپ سے وابستہ ہے

---

یہ زر و مالِ جہاں میرا حوالہ ہی نہیں

میرا انداز نظر آپ سے وابستہ ہے

---

آپ نے اتنا دیا خواہش دُنیا نہ رہی

بے نیازی کا ہنر آپ سے وابستہ ہے

---

سارے اصنام و روایات کا جادو ٹوٹا

حسن تقدیر بشر آپ سے وابستہ ہے

---

کار امروز ہو یا کارِ قیامت آقا

آج کی کل کی خبر آپ سے وابستہ ہے

---

اپنے کشفی پر نظر سید و آقائے جہاں

ان دعاؤں کا اثر آپ سے وابستہ ہے