زلف دیکھی ہے کہ نظروں نے گھٹا دیکھی ہے
لُٹ گیا جس نے محمد کی ادا دیکھی ہے
اپنے چہرے کو چُھپانا نہ اَے مِرے آقا
بعد مُدّت کے بیماروں نے شفا دیکھی ہے
سَر جھُکائے ہُوئے چلتے ہیں وفادار سبھی
جب سے غازی کی زمانے نے وفا دیکھی ہے
یُوں تو شبّیر سبھی کرتے ہیں بندگی لیکن
تیری بندگی تو زمانے سے جُدا دیکھی ہے
درِ سرکار پہ پہنچے تو یہ پُوچھا سب سے
ہم نے مرنا ہے کہیں یارو قضا دیکھی ہے
آج سرکار نے زُلفوں کو سنوارا ہوگا
تب ہی حاؔکم نے مُعطّر یہ فضا دیکھی ہے
شاعر کا نام :- احمد علی حاکم
کتاب کا نام :- کلامِ حاکم