نہ میں شاعر نہ شاعر کی نوا ہوں
بس اِک ادنیٰ غلامِ مصطفےٰؐ ہوں
علی ابنِ ابی طالبؑ کا سگ ہوں
مگر رندوں کی محفل کا دیا ہوں
بنا ہوں شاہ نظامُ الّدینؒ کا خسروؒ
یوں ہی خسرو کی چوکھٹ سے لگا ہوں
نیاِزِ عشق میں ڈوبا ہو اہوں
غرورِ حسن بن کر آگیا ہوں
متاعِ ہر زماں ہیں اشک میرے
سرورِ جادواں کا ماجرا ہوں
برنگِ گل کھِلا ہوں شاخِ گلشن
جہانِ رنگ و بُو کو جانتا ہوں
حیاتِ جاوداں کا راز پایا!
سرِ تسلیم یوں خم کر گیا ہوں
تجلّی نے کیا واصِؔف کو بے خود
خدا جانے میں کیا تھا اور کیا ہوں
شاعر کا نام :- واصف علی واصف
کتاب کا نام :- شبِ راز