Who wrote the lyrics "بشر بھی ہے وہ اور خیر البشر بھی"?

انجم نیازی is the poet who wrote the lyrics of "بشر بھی ہے وہ اور خیر البشر بھی."

In which book are the lyrics "بشر بھی ہے وہ اور خیر البشر بھی" written?

These lyrics are included in the book "حرا کی خوشبُو."

The lyrics are written in urdu.

"بشر بھی ہے وہ اور خیر البشر بھی" is categorized as a naat.

بشر بھی ہے وہ اور خیر البشر بھی

جُھکاتا ہے سر جس کے آگے عمر بھی

ابو بکر و جبریلؑ ساتھی ہیں اُس کے

مِلے کیسے کیسے اُسے ہم سفر بھی

فرشتوں سے بہتر ہیں اُس کی دعائیں

فرشتوں سے بہتر ہے اُس کی سحر بھی

دو عالم کی وسعت ہے قدموں کے نیچے

دو عالم پہ رہتی ہے اُس کی نظر بھی

اُترتا چلا جاتا ہے دِل کے اندر

کلام اُس کا میٹھا بھی ہے مختصر بھی

ستاروں سے بڑھ کر حسیں شہر اُس کا

ستاروں سے چمکیلے ہیں بام و در بھی

خدا کی قسم سارے ارض و سماء میں

نہیں ایسا مالک نہیں ایسا گھر بھی

بہت سیدھا سادہ ہے پیغام اُس کا

جو سچا بھی ہے اور ہے پُر اثر بھی

تھکی ہاری اُمت کی خاطر ہی انجؔم

وہ خود ایک سایہ ہے خود اِک شجر بھی