بتایا آپؐ کے ہر مقتدی رسول نے ہے
’’نبوّتوں کو شرف خاصۂ رسولؐ سے ہے‘‘
حضورِ پاکؐ کے اکرام کا ہے یہ خاصہ
کرم حضورؐ کا دنیا میں خاص و عام پہ ہے
خدا نے خلد سے افضل بنا دیا اِس کو
یہ اِک مہک کہ جو شایان اُس گلاب کے ہے
ہیں جس کی رحمتیں حد و شمار سے باہر
ہماری نسبت اسی بحرِ بے کنار سے ہے
مدینہ پاک کا رستہ مجھے بتا زاہد!
مجھے کیوں خلد و ارم کے بتاتا راستے ہے
اسی نے سرورِ دیںؐ کی ہے بات پوری کی
لُٹایا جس نے سبھی کچھ خدا کے واسطے ہے
شاعر کا نام :- پروفیسر محمد طاہر صدیقی
کتاب کا نام :- طرحِ نعت