مرے کریم ترے لطف اور کرم کے چراغ
ازل سے مجھ کو ملے ہیں یہ چشمِ نم کے چراغ
حرائے دل میں ہے آیاتِ نعت کی رم جھم
حریمِ جاں میں ہیں روشن ترے حرم کے چراغ
فلاح و فوز کی ضامن ہے پیروی تیری
نشانِ خلد بریں میں ترے قدم کے چراغ
شعور و فکر کی تابندگی تمہی سے ہے
تمہارے علم سے روشن ہیں کیف و کم کے چراغ
دل و جگر میں برنگِ لہو رہے روشن
خوشا نصیب کہ عشقِ شہِ امم کے چراغ
سکندری و جمی، قیصری و دارائی
عرب کے جلووں میں گم ہوگئے عجم کے چراغ
تمام عمر لکھی نعتِ مصطفےٰ شاکر
اسی کے دم سے فروزاں ہیں میرے وہم کے چراغ
شاعر کا نام :- سیّد شاکر القادری چِشتی نِظامی
کتاب کا نام :- چراغ