ویہڑے میرے قدم وی رکھ مرشد
اک نظر کرم دی تک مرشد
زلف تیری دا ھویا اسیر اے
چانن جس داچار چوفیر اے
تیری کرماں والی اکھ مرشد
اک نظر کرم دی تک مرشد
جو وی در تیرے تے اوندا
منگیاں مراداں تیتھوں پاندا
اس منگتے دی وکھری دکھ مرشد
اک نظر کرم دی تک مرشد
اکھیاں دید تیری نوں ترسن
یاد تیری وچ سوھنیا برسن
کوئی آون دا ویلہ دس مرشد
اک نظر کرم دی تک مرشد
عابد تیرے در تے آوے
ھوکے دے کے تینوں سداوے
کدی مینوں کریں نہ وکھ مرشد
اک نظر کرم دی تک مرشد
شاعر کا نام :- محمد عابد علی عطاری